Musica Sacra inviterer no til nytt Fagleg forum på Granavollen torsdag-laurdag 10-12.februar 2011.

Vi ser fram til gode føredrag og gode samtalar. Karl Gervin, Kjell Mørk Karlsen, Jørn Fevang, Trond Kverno, Terje Kvam og Anne Lise Ulsrud er mellom føredragshaldarane.

Musica Sacra inviterer også til 

Sommarkurs på Romerike folkehøgskole  27.juni- 3.juli 2011, v26. Instruktørar i neste år Magne Harry Draagen- vaksenkor, Henrik Ødegaard- tidebøn og gregoriansk song, Corinna Stamm- orkesterleiar. Barne- og ungdomskorinstruktørane er ikkje klare enno. I tillegg vonar vi å få til eit orkesterprosjekt for unge musikarar lokalt. Vi ønskjer også velkommen til studiegrupper som ønskjer å ha sitt eige opplegg, men som vil ha høve til å bo på sommarkursstaden og evt. ta del i fellesmåltider, tidebøner, konsertar, føredrag og gudsteneste.

Styret var på synfaring på Romerike folkehøgskule 20.08.10, og vi gleder oss til å kunne invitere til ein kursstad som ligg fint til ved Nordbytjernet med tursti heile vegen rundt, gode kursfasilitetar, allsidig kyrkjelandskap og kort veg til Gardermoen.Hjarteleg velkomne alle i alle aldrar.

"Jeg vil love deg, Herre, og løfte hendene i ditt navn" (Sal.63, 5)

Takk til alle som tok del ved sommarkurset på Soltun 2010.
Hjarteleg velkommen til sommarkurset 2011, 27.juni-3.juli, på Romerike folkehøgskole.

Takk til alle som tok del ved som tok del ved Fagleg forum på Gran 11-13.februar 2010. Hjarteleg velkomne til nytt Fagleg forum same stad 10-12.februar 2011

****************************************************************

Vi er i startfasen i arbeidet med nettside for Musica Sacra. Og vi vonar dette kan bli ei side mange kan ha glede av.

Styret i Musica Sacra er ungt i organisasjonen sin samanhang, og vi treng hjelp frå dykk som  kjenner Musica Sacra frå før "vår tid". Vi treng også hjelp frå dykk som står i samanhangar der de  vert oppdaterte anten innan fagsamanhang eller innan kjennskap til medlemmer og tidlegare medlemmer av organisasjonen. Takk for at de oppdaterer oss om viktige hendingar jamfør både fag og jamfør personar som er/ har vore aktive i Musica Sacra si historie.

Og takk for at de sender tips til oss om saker som kan vere av interesse for Musica Sacra. Vi tek også gjerne imot biletmateriale og artikkelmateriale som kan nyttast på sidene våre.

Dersom de kjenner til Musica Sacra materiale som burde ha vore arkivert på ein felles stad, er det fint om de tek kontakt. Vi prøver å få til ei arkivordning for Musica Sacra hjå Statsarkivet.

Helsing Musica Sacra v/leiar Anne Karin Stormyr